المضاد الحيوي للحامل

☆ كيف تختار المضاد الحيوي للحامل ؟؟؟
☆ هل المضاد الحيوي مضر للحامل ؟؟؟؟
☆ كيف تعرف كاتيجوري المضاد الحيوي وما معني كاتيجوري ؟؟؟؟

اولا لازم نعرف سبب خطورة المضاد الحيوي اثناء الحمل !!!
  • السبب هنا ان كل المضادات الحيوية بلا استثناء بتعدي ال Placental Barrier اي تصل للجنين وده بيعرضه يا اما لـ تشوهات Teratogenecity او الاجهاض او التسمم Toxicity او غيرها.

درجات امان المضادات الحيوية على الحامل

عندنا المضادات الحيويه متقسمه لـ خمسه كاتيجوري A,B,C,D,X وهم اللي بيحددوا درجه امان الدواء ده:


Category A

  • معناه ان الدواء ده اختبرناه على الانسان والحيوان و طلع امن ف الحالتين.
Category B
  • دا معناه ان اختبرناه على الحيوان وطلع ليه خطوره بسيطه على الحيوان Minimal Toxicity on Animals لكن في الانسان طلع امن.
Category C
  • دا معناه ان الدواء ده ليه تأثير خطير على الحيوان بس لم يتم عمل ليه دراسات وتجارب كافيه على الانسان او نتايجه مش معروفه على الانسان كويس.
Category D
  • اي دواء تحت هذا الكاتيجوري ليه تأثير وخطورة واضحه على الانسان.
Category X
  • الدواء ده معظم الحالات Fatal يعني مميتة للجنين. 

الخلاصة: ان كاتيجوري A و B هما بس المسموح بيهم في الحمل.
المضاد الحيوي للحامل 
☆ تعالو بقا نصنف كل نوع على حسب الكاتيجوري:


Penicillins 
  • عائلة البنسلينات زي الـ Penicillins والـ Amoxicillin والـ Ampicillin كلهم كاتيجوري (B) يعني امااااان خالص. 
Cephalosporins 
  • العائلة دي بكل الـ Generations بتاعتها مصنفه كاتيجوري (B) يعنى امان.
Clindamycin
  • كاتيجوري (B) امان ايضا.
Macrolides 
  • اشهر حاجه بنستعملها في العدوى الخارجية على الجلد Skin Infections ودي طبعا كاتيجوري ( B ).
Metronidazole 
  • كاتيجوري (B) لكن الدراسات اثبتت انه من الافضل استبعاده ف اول 3 شهور.
Nitrofurantoin
  •  كاتيجوري (B).
Quinolones
  • كاتيجوري (C).
Vancomycin
  • كاتيجوري (C).
Sulfonamides 
  • دي كاتيجوري (C) وكمان بيعمل زيادة فى افراز العضارة الصفراوية Hyperbilirubinemia وممنوع ف انيميا الفول يعني خطر.
Tetracyclines
  • ده مصنف كاتيجوري (D) يعني ممنوع.
Aminoglycosides 
  • مصنف كاتيجوري (D) يعني ممنوع.
  • ماعدا الجنتاميسين مصنف كاتيجوري (C) يعنى خطر ايضا لكن حاليا في دراسات اتعملت ومكتوب على ميدسكيب ان الجنتاميسين امن.
 

ليست هناك تعليقات:

إرسال تعليق

موقع كبسولة الطبي جميع الحقوق محفوظة 2016

يتم التشغيل بواسطة Blogger.