افضل مرطب شفايف لعلاج جفاف الشفايف

اولا يعني ايه جفاف شفايف او شفاه متشققه هي حالة بتجي للانسان عند ازاله الطبقه الدهنيه اللي الجسم بيطلعها بشكل طبيعي من علي الشفايف وبتبقي نتيجه تبخر المياه من طبقات الجلد غالبا بتبقي عباره عن تشققات صغيره منتفخه ومحمره او الجلد متقشر من عليها وبتبقي مؤلمه واحيانا بتنزف ولابد من استخدام مرطب شفايف، واسباب تشقق الشفايف:
  • اما الجو البارد
  • او نقص الـ Folic acid وبعض الفيتامينات زي Vit b2
  • او نتيجه لعق وعض الشفايف
  • او التدخين
  • او استخدام الروج لفتره طويله جدا
  • او احيانا اثار جانبيه لبعض الادويه زي (Roaccutane).

ثانيا علاج جفاف الشفايف :

طبعا بالاضافة لعلاج السبب الرئيسي فان المنتجات الموضعيه كتيره منها بتجيب نتائج كويسه جدا وبرده كتير بتجيب نتائج بس بطيئه جدا، بالنسبه لافضل المنتجات كمرطب شفايف هي كالتالي:
  1. منتج BERIEDERM LIPS من مجموعه URIAGE ليه مميزات كتيره اكثرها انه ملوش طعم، ومفيهوش عطور وفاعليته بتوصل لـ 4 ساعات والاهم انه ممكن البنت تستخدمه كأساس للروج، ليه تركيبة خاصه اسمها Poly 2p وألية عملها بتكون عن طريق تشكيل حاجز غير انسدادي علي الجلد بيتمكن من خلاله انه يحمي ويعزل سطح الشفاه ويشفيها عن طريق اعادة بناءه من الداخل. (هذا المنتج علاجي اكثر للشفايف)
    BERIEDERM LIPS

  2. منتجي Neutrogena وهما (lip balm) و(Lip moisturizer with sunscreen SPF 15) مع نسبه حمايه 15 ودي ميزه المنتج التاني، والاتنين فاعليتهم بتوصل لـ 6 ساعات والاتنين غنيين جدا بفيتامين E كمرطب شفايف. (الاتنين وقائيين اكتر للشفايف)
    Lip moisturizer with sunscreen SPF 15

  3. منتج ego وهو QV Lip Balm من افضل المنتجات ترطيبا للشفايف وكمرطب شفايف رائع ومعاه نسبه حمايه 30 وبيوصل من 3 - 5 ساعات تقريبا مكوناته Liquid paraffin مع Castor.
    Qv lip balm

  4. منتج SOSKIN lip plumper من افضل منتجات مرطبات الشفايف، يتكون من حمض الهيالورونيك والكولاجين ودول ليهم قدره الاختراق عبر الطبقات السطحيه للشفاه وبتروح للانسجه الداخليه تعطها مظهر جذاب ده بالاضافه للترطيب وفيه فيتامين E مضاد للاكسده طبعا ومرطب كمان وفيه كمان زبده الشيا وزيت الجوجوبا كمرطبان ومضادان للالتهاب وبيتحط 3 مرات بس في اليوم.
    SOSKIN lip plumper

  5. منتج LA ROCHE-POSAY CICAPLAST BAUME B5 LIPS كويس جدا وواخد شهره كبيره بره مصر من اهم مكوناته 5% بانثينول.
    LA ROCHE-POSAY CICAPLAST BAUME B5

  6. منتج  THE BODY SHOP LIP CARE بنوعيه Cocca Butter او اللي بفيتامين E او بديله منتجات LABELLO التسعه واقواهم labello sun protect spf 3 بخلاصه دوارالشمس وlabello classic care بزبده الشيا وlabello active بيحتوي علي بروفيتامين b5 ومبيديش لمعان فمخصص طبعا للرجال و labello vanilla من اقواهم ترطيب للشفايف.
    THE BODY SHOP
    LABELLO LIP CARE 

  7. منتج sebamed lip defense بنسبه حمايه SPF 30 متميز بالسرعة والفعالية، بيخفف جدا من التهيج والتشقق بفضل فيتامين E وbisabolol (مستخلص من الـ chamomile) البابونج يعني، معاهم ايضا زيت الجوجوبا وزيت rice bran نخالة الرز يعني للحماية والوقاية من جفاف الشفايف.
    sebamed lip defense

  8. منتج Burts Bees ده الاكثر مبيعا خلال 2014 في اوروبا للوقاية او كعلاج في الحالات البسيطة او المتوسطة يحتوي على زبدة الشيا وليه 9 انواع كلهم الوانهم خفيفه. اقواهم هو besswax lip balm ليه درجتين علي حسب لون الشفاه او honey lip balm الاقوي ما بينهم كمرطب شفايف.
    Burts Bees

  9. منتج Maybelline Lip Smooth اعلاهم قدره علي الترطيب ويدوم لاكثر من 8 ساعات وبيدي نتائج رهيبه بس استخدامه لـ 4 اسابيع.
     Maybelline Lip Smooth 

  10. منتجي Bobbli Brown lip balm 15 او Clinique super balm treatment ونسبة حماية 15 ايضا يحتوي علي زيت الزيتون وزيت جنين القمح ومضادات اكسده قويه. فيتامين E ايضا والاتنين نفس الكفاءه.
Bobbli Brown lip balm 15
Clinique super balm treatment

اخيرا لا يفوق علي رقم 8 و9 و10 كوقاية واستخدام يومي كمرطب شفايف ولا يفوق علي رقم 1 و3 و4 و10 ايضا كعلاج جفاف الشفايف للحالات الشديدة.

ليست هناك تعليقات:

إرسال تعليق

موقع كبسولة الطبي جميع الحقوق محفوظة 2016

يتم التشغيل بواسطة Blogger.