كريمات تفتيح البشرة

اسمرار المنطقة الحساسة والإبطين

لازم الأول نعرف إن المنطقة الحساسة طبيعي يكون فيها تلون بسيط ولون الجلد فيها بيكون غامق شويه عن لون الجلد الطبيعي.
من أسباب إسمرار المنطقة الحساسة والإبطين الآتي:
  1. زيادة الوزن وبالتالي كثرة الإحتكاك بين الفخذين.
  2. حدوث إلتهابات فطرية وعدم الإهتمام بعلاجها فبتؤدي إلى إسمرار الجلد (إسمرار بعد الإلتهابات).
  3. إستخدام مزيلات العرق التي تحتوي على كيماويات وعطور.
  4. استخدم العطور مباشرة على الجلد.
  5. استخدام الفوط الصحية أثناء الدورة الشهرية مدة طويلة .. المفروض الفوطة بتتغير كل 4 ساعات.
  6. ارتداء ملابس داخلية غير قطنية ..ألياف صناعية مثلا بتسبب اسمرار الجلد.

تعليمات قبل العلاج:
  1. لابد من ارتداء ملابس داخليه قطنية طويلة (شورت) ومقاسها بالظبط على الجلد.
  2. تخفيف الوزن.
  3. الإهتمام بنظافة المنطقة وإزالة الشعر بأي وسيلة مثل موس الحلاقة النسائي أو السويت.
  4. الحفاظ على المنطقة جافة بعد كل حمام، لازم تجففي المنطقة كويس من الماء.
  5. علاج أي إلتهابات سواء جلدية أو مهبلية خصوصا الفطريات لأن بيكون مصاحب معاها حكة شديدة وبالتالي بتؤدي إلى اسمرار.
  6. ممنوع استخدام مزيلات العرق اللي بتحتوي على كيماويات وعطور.

العلاج


اولا لازم نعالج الإلتهابات الموجودة لو فيه زي التينيا.

مستحضرات تفتيح البشرة تفتيح الوجه وتوحيد اللون:

من افضل انواع كريمات التفتيح اللى بتشيل التصبغات الجلدية الناتجة عن حرارة الشمس يعني بترجع البشرة لطبيعتها يعني مش بتغير اللون وتحوله لأبيض ..لالا .. هي بتفتح اللون وتصفي الوجه زي:
  • أفالون كريم 2% لتفتيح الجلد.
  • إلدوكين 2%.
  • وايت أوبجيكتيف كريم White Objective cream أو وايت أوبجيكتيف سيروم من شركة بيوديرما ودا حلو كمان للي فيهم تصبغات زي الكلف لأنه بيقشر تقشير خفيف أو مع وجود تجاعيد بيكون ممتاز جدا.
وايت أوبجيكتيف سيروم
  • يونيتون 4 (Unitone 4 Cream ) من شركة إيزيس فارما ودا فيه منه نوعين:
    يونيتون 4 بالهيدروكينون.
    يونيتون 4 بالأربيوتين: دى مادة طبيعية مستخلصة من النباتات بديله لمادة الهيدروكينون وليها نفس تأثيرها.
  •  كريم بليندينج بليتشينج Blending Bleaching Cream من شركة سكين تيك Skin Tech بس دا بيحتاج استخدام مستمر لأن مكوناته طبيعية جدا فبيحتاج 3 شهور استخدام متواصل.
ملحوظة:
  • كريمات التفتيح كلها تستخدم مره ليلا لمدة شهرين متواصل وهاتبدي تلاحظي نتيجة التفتيح بعد شهر او شهر ونص من الإستخدام بإذن الله.
  • مع عدم التعرض للشمس أو حرارة البوتاجاز أو الإضاءة النيون البيضاء.
  • ولو تعرضتي للشمس لازم تستخدمي واقي من اشعة الشمس درجة حماية 50 أو أكتر.
من افضل الكريمات الواقية من أشعة الشمس:
  • UVE Block 50 plus أو 80 لوشن يو في بلوك 50 بلس أو 80 من شركة إيزيس فارما (ISIS pharma)

كريمات تبييض البشرة

فيه كريمات تفتيح وتبييض البشرة كتير جدا بالصيدليات منها الغالي والماركات ومنها الطبي العادي الكريمات اللى هقولها دي فعلا حلوه وجابت نتايج حلوه مع ناس كتير

ملاحظة: أي كريم تفتيح لازم يستخدم حوالي شهرين أو 3 شهور مش أقل من كدا.

  • وهاتبدي تلاحظي نتيجة بعد شهر او شهر ونصف، علشان فيه بنات بتسأل استخدمت الكريم اسبوعين ومفيش نتيجة؟ دا طبيعي لأن النتيجة بتبدأ تبان بعد شهر تقريبا.
  • طبعا كريمات التفتيح زيها زي أي كريم لو حسيتي بحكة أو إحمرار معناها عندك حساسية من الكريم ولازم يتوقف العلاج.
  • كريمات التفتيح لاتستخدم على مناطق كبيره بالجسم يعني ماينفعش واحده تستخدمها على كل جسمها لتفتيحة غلط جدا وممنوع

كريم أفالون المبيض تفتيح لون البشرة Avalon cream

كريم أفالون تقريبا كان لونه أبيض وبعدين غيروا شكله وبقى لونه برتقالي وفيه منه تركيزين 4% و2%
طبعا الأفضل تركيز 2% علشان يكون خفيف على البشرة، ومعاه كريم هيدروكورتيزون أسيتيت 0.1% أو كريم إلوكوم أو إلوكون وقت اللزوم لو حسيتي بحكة أو بإلتهاب.
أو تاخدي نقطه من أفالون ونقطة من الهيدروكورتيزون وتخلطيهم كويس وتدهني بيهم المنطقة الحساسة مره ليلا وتغسليها الصبح.
كريم أفالون لتفتيح البشرة

كريم إلدوكين 2%

فيه منه تركيزين 2 و4% استخدمي تركيز 2%
ومعاه كريم إليكوم أو هيدروكورتيزون وقت اللزوم.
تاخدي نقطه من دا ونقطه من دا وتخلطيهم وتدلكي بيها المنطقة الحساسه تدليك كويس لحد مايتشرب الخليط قبل النوم.
كريم إلدوكين 2%

ملحوظة :
  • ممنوع خلط الكريمات كلها ووضعها بالثلاجة لأن بيحصلها تأكسد.
  • لازم تخلطي كمية صغيره فقط وقت الإستخدام.
  • لازم نستخدم كورتيزون خفيف زي الإليكوم أو الهيدروكورتيزون علشان يقلل أي التهاب هاينتج من كريم التفتيح وتقللي من حساسية الجلد تجاة كريمات التفتيح شويه.
  • نقطة صغيره جدا من كريم التفتيح بتكفي مع التدليك الجيد أو أي كريم تفتيح من اللي هاقولهم بعد شويه.

أما للمصريات
بنصح بكريم فولدكس لأنه متوفر بمصر فقط وتقريبا مش متوفر بالسعودية Foldex cream
مكوناته طبيعيه وبيستخدم لوحده وفيه منه للبشره وللمنطقة الحساسة متوفر بالصيدليات المصرية وأعتقد إنه مش متوفر بالسعودية.
كريم فولدكس Foldex cream


البقع السمراء بعد حب الشباب
كريم ديفرين 0.1% Differin 0.1% cream 
كريم ديفرين

مره ليلا مع عدم التعرض للضوء.
  • بطرف إصبعك تاخدي نقطه من الكريم وتحطيها على البقع فقط مره ليلا قبل النوم مع عدم التعرض لأي إضاءة.
  • وصباحا تغسلي وجهك كويس بصابونة لحب الشباب زي صابونة أكني إيد أو صابونة نيتروجينا لحب الشباب أو صابونة الكبريت.
  • ولو حصل إي إلتهاب نتيجة للتقشير بتستخدمي كريم إلوكوم Elocom cream وقت اللزوم لما تلاقي حكة أو إلتهاب ناتج من التقشير لمدة أسبوعين.
  • لو لاحظتي إن لسه البقع مستمرة استخدمي كريم تفتيح مع كريم ديفرين من كريمات التفتيح السابقة.
 

ليست هناك تعليقات:

إرسال تعليق

موقع كبسولة الطبي جميع الحقوق محفوظة 2016

يتم التشغيل بواسطة Blogger.